Ofmetnar eignir

Ég er nokkuð viss um að eignir bankanna hafa verið verulega ofmetnar. Eignir flestra fyrirtækja, og reyndar íbúðarhúsnæði líka, hefur verið mjög ofmetnar, í þeim tilgangi að hægt væri að lána meira fé.

Þeir felldu bankana

Vinstri græn

Hvar er VG núna? það heyrist lítið sem ekkert í þeim. Getur verið að það sé satt sem maður heyrir að þeir séu að undirbúa samstarf við sjálfstæðisflokkinn? væri ekki nær fyrir þá að huga að því hvernig hægt er að koma lögum yfir forystumenn þess flokks sem nú er við stjórn, sem að mínu mati eru fjárglæframenn, engu síður en eigendur bankanna, sem hafa leitt yfir okkur þær hörmungar sem við blasa. Kemur kannski í ljós núna samtryggingin í pólitíkinni. mér virðist að þegar upp koma alvarleg mál, þá er engin stjórmálaflokkur til í að taka slaginn. hafa þeir allir eitthvað að fela sem gæti komið í ljós ef gengið er að öðrum flokk? 

 

 

 

 

Baugur

Ég hef alltaf sagt síðan Bónusverslanir opnuðu fyrst, að það hafi verið mestu kjarabætur sem við höfum fengið. Núna hefur komið í ljós að þetta var bara lán á okurvöxtum sem féll á okkur núna.

Góðærið

Það hefur nú komið óþyrmilega í ljós að góðærið sem sjálfstæðis, og framsóknarflokkurinn sögðust hafa fært okkur, var ekkert góðæri, aðeins auknar skuldir. Ég hef reyndar haldið þessu fram í nokkur ár, en fólk litið á mig eins og ég væri skrítinn þegar ég hef minnst þetta. Það segir sig sjálft að flokkur, eins og sjálfstæðisflokkurin, sem hefur aldrei gert annað en að leiða hörmungar yfir þjóðina, og gerir tilraun til að leiða yfir okkur ónýtt heilbrigðiskerfi, með ameríska heilbrigðiskerfið að leiðarljósi, á ekkert erindi í ríkisstjórn. Nær væri að líta til norðurlandana, þar sem mun heilbrigaðri stjórnmál eru stunduð, þó auðvitað megi margt misjafnt segja um þau líka. stjórnmálamenn virðast að minnsta kosti hugsa um þegnana þar, sem kemur fram á marga vegu. þar þurfa menn að axla ábyrgð, sem stjórnmálamenn fá jú greitt fyrir að gera. Ég hef held ég aldrei séð íslenskan stjórnmálamann  axla ábyrgð með uppsögn úr starfi. Það þurfum við þegnarnir þó að gera ef við klúðrum málum. Sem íslenskur þegn, með sjálfstæðisflokkinn í vinnu, segi ég honum hér með upp, vegna vítaverðs gáleysis og kæruleysis í starfi.

Ósvífinn Björn bjarnason

Það virðist takmarkalaus, ósvífnin sem Björn bjarnason dómsmálaráðerra eys yfir okkur. Ég las einhversstaðar um helgina, þar sem hann sagði að enginn gæti leyst úr þessari krísu íslendinga nema sjálfstæðisflokkurinn. Hvað er að mönnum sem tala svona ? Það er alveg ljóst að það er eitthvað að siðferðinu hjá Birni. sjálfstæðisflokkurinn sem kom okkur í þessa stöðu ásamt framsóknarflokknum, sem er varla til í dag, ber fulla ábyrgð á öllum þeim skuldum sem hellast yfir okkur íslendinga nú. Afleiðing að því að nokkrir menn kunnu ekki að fara með peninga. flokkur sem leyfði mönnum án takmarkana að skuldsetja þjóðina marga áratugi fram í tímann, flokkur sem fannst eðlilegt að menn tækju hundruð miljóna út úr fyrirtækjum til einkanota, flokkur sem fannst eðlilegt að greiða einum manni eingreiðslu upp á þrjúhundruð miljónir, bara svo hann byrjaði að vinna, og síðan 60 miljónir á mánuði í laun. Ástæða þess að við eigum að draga sjálfstæðisflokkinn, til ábyrgðar er auðvitað sú, að það var fyrst og fremst hann sem kom þessu öllu af stað með kröfu um einkavæðingu bankanna, en setti engar leikreglur. Þetta gerir hann algerlega óhæfann sem stjórnarflokk. og eins og venjulega þegar sjálfstæðisflokkurinn fer frá, þurfa einhverjir aðrir að þrífa upp skítinn eftir hann, ásamt almenningi  

Evrópusambandið

Síðasti fréttamannfundurinn! sem sagt, ''nú skuluð þið hætta þessum óþægilegu spurningum, ykkur kemur ekki við hvað við gerum''.

Ég hef verið mjög á móti aðild að evrópusambandinu. Hef talið að það yrði okkur dýrt að vera þáttakendur í því. Nú sé ég að það er mál sem allir verða að vera sammála um nú, að sækja um aðild, helst fá flýtimeðferð. Það er deginum ljóst, og hefði átt aðvera okkur öllum ljóst fyrir löngu síðan að stjórnmálamönnum á Íslandi er engan vegin treystandi, og skiptir þá engu máli hvar í flokki þeir eru.

Evrópusambandinu er mun betur treystandi til að sjá um öll okkar stóru mál, eins og fiskveiðikvóta, peningamál, landbúnaðarmál, orkumá, o.sv.frv. Það er alveg ljóst að eftir einhvern tíma í nánustu framtíð, mun ríkisstjórnin sem verður þá við völd, úthluta bönkunum aftur til aðila sem verða þeim þóknanlegri en síðustu eigendur.

 

Fall kapitalismans

Það má margt um mig segja, en ekki hélt ég að ég ætti eftir að verða sammála femínistum.

Ég er reyndar alls ekki sammála því að ástandið væri betra þó konur ættu í hlut.Ég hef unnið nokkru sinnum með konu sem yfirmann og aldrei hef ég séð eins mikla ósanngirni og yfirgang.Hitt er rétt að það á að draga þessa stjórnendur bankanna (að mínu mati) glæpamenn til ábyrgðar.Mér virðist þrátt fyrir ofurlaunin og að þeir taka hundruði miljóna út úr fyrirtækjunum til einkanota, að þeir hafi ekki hundsvit á rekstri.Það er alveg sama hverskonar rekstur eða fyrirtæki á í hlut, það eru alltaf sömu grundavallaratriðin sem ber að fylgja.Þetta snýst um að skulda sem minnst, og ef þú skuldar að greiða skuldir þá upp sem fyrst.

Ef þú fjárfestir með lánum, ber þér að greiða það lán upp áður en þú færð meira lánað.Í góðæri notar þú tíman til að búa þig undir mögru árin með því að safna fé.Þú stefnir rekstrinum aldrei í hættu með því að nota sparnað í áhættufjárfestingar.Heldur tekur þú lítinn hluta gróðans, ef nægt fé er til, og notar það í áhættufjárfestingu.

Ég er nokkuð undrandi á því að forsætisráðherra sem er að skila mjög góðum ríkisreksri, skuli tala um að stjórnendur bankana hafi staðið sig vel. Held reyndar að það sé enn ein lýgin frá honum, og ástæðan er að hann hefur enga til að taka við daglegum rekstri bankana, og þurfi því að halda þeim góðum.

Það sést ekki hvort stjórnandi er góður fyrr en á reynir eins og nú.

Í raun er harla lítið mál að stjórna fyrirtæki meðan vel gengur. Það er ekki fyrr en alvöru vandamál, eins og t.d. við göngum í gegnum núna sem það kemur í ljós hver er góður stjórnandi.

Þeir tóku alla þessa peninga út úr fyrirtækjunum vegna þess að þeir töldu sig svo góða stjórnendur. Ætli sé ekki rétt að krefja þá um endurgreiðslu þar sem það hefur komið í ljós að þeir eru algerlega óhæfir 

 

Krefjast þess að menn verði dregnir til ábyrgðar

Ofbeldi sjálfstæðisflokksins

Þá er það komið enn einu sinni í ljós, að lögreglunni er ekki treystandi, með sjálfstæðisflokkinn við völd. Ástæða þess eru aðfarirnar við þinghúsið í dag. Fólki var ekki leyft að aka fram hjá þinghúsinu. Ætli ástæðan sé að slökkvi og sjúkralið eigi ekki greiða leið um þessi stræti? það er jú ástæðan sem lögreglan hefur gefið vegna afskipta þeirra af mótmælum undanfarna daga. Fólk á vissulega eftir að sjá alvarlegri afskipti lögreglu af mótmælum, ef þau halda áfram. Lögreglan hefur kosið að koma fram sem heilalausir starfskraftar, og hlíða pappírspésanum í dómsmálaráðuneytinu, (Birni Bjarnasyni) alveg í blindni og án þess að hugsa. Sjálfstæðisflokkurinn á áratugasögu um ofbeldi gegn almenningi, og þá er ég ekki að tala um það daglega andlega ofbeldi sem þeir beita. heldur líkamlegar meiðingar. Enda trúa þeir á ofbeldi sem stjórntæki. Það er ótrúlegt hvað lítið er talað um allar þær tilraunir, og framkvæmdir sem þeir hafa staðið fyrir, í þeirri viðleitni að ná sér í vopn gegn almenningi. Hér áður fyrr réðu þeir menn, vopnuðu þá kylfum og öðrum bareflum og létu þá berja á verkalýðshreyfingunni. Svo stofnuðu þeir  leyniþjónustu, og  Síðustu áratugina  hafa þeir  svo vopnað lögregluna með ýmsum hætti, stofnað vísir af her o.sv.frv. Fólki er talið trú um að þetta sé vegna vaxandi hörku glæpagengja, þegar reyndin er, að þeir vita að sá dagur kemur að almenningur í landinu fær nóg af stjórnunarháttum þeirra og fer að mótmæla kröftuglega. Þá er gott að vera búinn að þjálfa menn í að berja á mótmælendum. Ég vona svo sannarlega, þó ég efist vissulega miðað við síðustu kosningar, að fólk sé að opna augun fyrir því hverskonar fólk er í forystu sjálfstæðisflokksins. Þar ríkja sjálfumglaðir, hrokafullir menn, alveg að springa úr frekju. Reyndar á þessi lýsing líka við um Ingibjörgu Sólrúnu Gísladóttur, en hún er líklega ein um það í Samfylkingunni. Þetta var komið í ljós með hana seinni árin sem hún var borgarstjóri og ég er enn hissa á því að samfylkingin hafi kosið hana yfir sig.